Póst og fjarskiptastofnun

Túngumál EN
Heim

Tímamælingar í símaþjónustu

Tímamælingar á símtölum er sá grunnur sem reikningur símnotandans byggist á. Þessi grunnur er þríþættur:

Upphafsgjald fyrir hvert símtal
Lágmarkslengd fyrir hvert símtal (oftast 60 sekúndur)
Mínútu- eða sekúnduverð fyrir hvert byrjað gjaldskref umfram lágmarkslengd

Þegar símtal hefst er fyrst tekið upphafsgjald.

Þá um leið er einnig gjaldfært fyrir lágmarkslengd. Þegar lágmarkslengd er liðin er gjaldfært fyrir hvert byrjað gjaldskref.

Lágmarkslengd og gjaldskref er táknað í gjaldskrám símafyrirtækjanna með tveimur tölum með deilistriki á milli. Til dæmis þýðir tímamælingin 60/10 að lágmarkslengdin miðast við 60 sekúndur og síðan er gjaldfært fyrir hverjar byrjaðar 10 sekúndur eftir það.

Notandi sem talar í 62 sekúndur greiðir þannig upphafsgjald, lágmarkslengd 60 sekúndur og 10 sekúndur þar til viðbótar, þó hann hafi einungis notað 2 sekúndur af þessum 10.

Þegar tímamælingin er 60/60 greiðir notandinn upphafsgjaldið, fyrstu mínútuna og síðan fyrir hverja byrjaða mínútu eftir það. Þó talað sé í 2 mínútur og 7 sekúndur greiðir notandinn fyrir þrjár mínútur, þ.e. einnig er greitt fyrir þær 53 sekúndur sem ekki voru notaðar af síðustu mínútunni. Þetta er kallað umframgjald (overcharge).

Almennum notendum á Íslandi bjóðast kjör sem byggja á tímamælingum frá 60/10 til 60/60.
Sums staðar erlendis bjóðast almenningi kjör þar sem tímamælingin er 1/1, þ.e. notandinn greiðir upphafsgjald og síðan fyrir hverja sekúndu sem notuð er. Þar með er ekki um umframgjald að ræða heldur er einungis greitt fyrir það sem notað er.

Hér á landi hafa slík kjör verið bundin við ákveðnar tegundir fyrirtækjaáskriftar.

Sjá ítarlegri upplýsingar um tímamælingar í farsímaþjónustu og mismunandi áskriftarleiðir.

 

 

Fannst þér efnið á síðunni hjálplegt?Nei
Takk fyrir

Ábending þín er móttekin

Afhverju ekki?