Póst og fjarskiptastofnun

Túngumál EN
Heim

Ákvörðun PFS nr. 16/2012

Ákvörðun 16/2012 - Ný verðskrá Íslandspósts innan einkaréttar, nýir viðskipta- og afsláttarskilmálar

Þann 24. maí 2012 birti Póst- og fjarskiptastofnun ákvörðun sína nr. 16/2012 þar sem samþykkt er ný verðskrá Íslandspósts innan einkaréttar frá og með 1. júlí 2012. Auk þess yfirfór stofnunin forsendur Íslandspósts að því er varðar afsláttarfyrirkomulag fyrir svokallaðan magnpóst. Þessu tengdu var lagt fyrir Íslandspóst að gera tilteknar breytingar á viðskiptaskilmálum félagsins vegna umræddra breytinga.

Markmið breytinganna á uppbyggingu verðskrár Íslandspósts er að tengja betur saman, en verið hefur hingað til, kostnað Íslandspósts af einstökum þjónustuleiðum. Samhliða því sem þjónustuframboð er aukið.

Helstu breytingar á verðskrá Íslandspósts og viðskiptaskilmálum eru þær að verðskrá fyrir almenn bréf (A þjónusta, dreifing daginn eftir) fer úr 97 kr. í kr. 120. Hins vegar á almenningur nú kost á að kaupa svokallaða B þjónustu sem felur í sér dreifingu innan 3ja daga frá póstlagningu, en gjaldið fyrir slíka þjónustu mun verða 103 kr. Fyrirkomulag af þessu tagi, þ.e. að hægt er að kaupa mismunandi þjónustustig, hefur verið við lýði í flestum nágrannalöndum okkar um nokkurt skeið.

Verðskrá fyrir magnpóstsaðila hefur einnig tekið nokkrum breytingum frá því sem nú er. Sett eru 2 grunnverð eftir því hvaða þjónusta keypt er hverju sinni, þ.e. A þjónusta eða B þjónusta. Grunnverð fyrir A þjónustu verður 88 kr. og fyrir B þjónustu 71 kr. Þessu til viðbótar fá magnpóstsaðilar afslætti í samræmi við afhent magn í hvert sinn og á grundvelli heildarviðskipta yfir ákveðið viðmiðunartímabil.

Breytingarnar í heild fela í sér um 8% hækkun á gjaldskrá innan einkaréttar miðað við vegið meðaltal.

Ný verðskrá Íslandspósts, frá 1. júlí 2012 (PDF)


Ákvörðun PFS ásamt viðaukum er að finna hér fyrir neðan:

Ákvörðun PFS nr. 16/2012. Um breytingar á gjaldskrá Íslandspósts innan einkaréttar, afsláttarfyrirkomulagi og viðskiptaskilmálum (PDF)

Viðauki A, samráðsskjal PFS, dags. 9. desember 2011 (PDF)

Viðauki B, svör við athugasemdum hagsmunaaðila (PDF)

Viðauki C, yfirferð PFS á útreikningum Íslandspósts á grunnverðum í gjaldskrá innan einkaréttar (PDF)

Viðauki D, svör við athugasemdum vegna skilmálabreytinga (PDF)

Nýir Viðskiptaskilmálar (PDF)

 

 

Fannst þér efnið á síðunni hjálplegt?Nei
Takk fyrir

Ábending þín er móttekin

Af hverju ekki?