Póst og fjarskiptastofnun

Túngumál EN
Heim

Míla útnefnd með umtalsverðan markaðsstyrk á heildsölumarkaði fyrir aðgang að koparheimtaugum

27. desember 2007

Póst- og fjarskiptastofnun (PFS) hefur nú lokið greiningu á markaði 11, heildsölumarkaði fyrir aðgang að koparheimtaugum. Á grundvelli niðurstöðu úr markaðsgreiningunni hefur PFS ákveðið að útnefna Mílu ehf. með umtalsverðan markaðsstyrk á markaðinum.

PFS hefur ákveðið að leggja á Mílu skyldu til að verða við eðlilegum og sanngjörnum beiðnum um aðgang að koparheimtaugum og þjónustu á heildsölustigi.

Jafnframt eru lagðar á kvaðir um jafnræði, gagnsæi, bókhaldslegan aðskilnað og eftirlit með gjaldskrá.  Mílu er gert skylt að birta viðmiðunartilboð fyrir aðgang að heimtaugum og tengdri aðstöðu.  Míla skal gera kostnaðarlíkan til útreikninga á gjaldskrá og skal gjaldskráin vera sundurliðuð í grunnverð, aukagjald fyrir skiptan aðgang og gjöld fyrir tengda aðstöðu.
 
Markmið fjarskiptalöggjafarinnar og Póst- og fjarskiptastofnunar með markaðsgreiningunni er að greina stöðu samkeppni á fjarskiptamarkaði og leggja á viðeigandi kvaðir til að efla samkeppi, sé hún ekki talin vera nægjanlega virk, eins og sú niðurstaða sem nú liggur fyrir gefur til kynna.

Sjá nánar:
Ákvörðun PFS nr. 26/2007 og viðaukar

Til baka