Hoppa yfir valmynd

PFS efnir til afmarkaðs aukasamráðs um kostnaðargreiningu fyrir aðgang að heildsöluskiptum vegna aðgangsleiðar 1 (markaður 5)

Túngumál EN
Heim

PFS efnir til afmarkaðs aukasamráðs um kostnaðargreiningu fyrir aðgang að heildsöluskiptum vegna aðgangsleiðar 1 (markaður 5)

21. febrúar 2014

Þann 20. desember 2013 efndi Póst- og fjarskiptastofnun (PFS) til samráðs um drög að ákvörðun varðandi kostnaðargreiningu fyrir bitastraumsaðgang samkvæmt aðgangsleið 1 og 3. Drögin náðu einnig til kostnaðargreiningar fyrir aðgang að heildsöluskiptum vegna aðgangsleiðar 1. Samráðsfrestur rann út þann 13. janúar sl. Athugasemdir bárust frá Vodafone, Tali og Gagnaveitu Reykjavíkur.

Í kjölfar ábendingar frá Vodafone komu fram nýjar upplýsingar sem leiddu í ljós að þær forsendur Mílu sem PFS hafði til viðmiðunar við útreikninga á verðum fyrir heildsöluskipta voru ekki réttar. PFS hefur því endurskoðað þær forsendur sem lágu til grundvallar útreikningum á gjaldskrá fyrir heildsöluskipta og reiknað út ný verð í samræmi við breyttar forsendur.

Með hliðsjón af þeim breytingum sem PFS hyggst gera á gjaldskrá fyrir aðgang að heildsöluskiptum telur stofnunin rétt að efna til aukasamráðs um þá kafla í frumdrögum PFS sem varða þessa breytingu. Aukasamráðið afmarkast við þá kafla í drögum PFS sem fjalla um heildsöluskiptana og gjaldskrá fyrir aðgang að þeim. PFS leggur nánar tiltekið til breytingar á eftirfarandi köflum frumdraganna:

  • Kafli 8. Heildsöluskiptir
  • Kafli 9.2.2 Gjaldskrá fyrir heildsöluskipti vegna aðgangsleiðar 1
  • Kafli 9.2.3 Uppgjör vegna bráðabirgðaverða
Með þessari breytingu á gjaldskrá fyrir heildsöluskipta verður stofngjald 93.000 kr. á hvern viðsemjanda, fyrir stillingar og tengingar á portum í heildsöluskipti, vegna aðgangsleiðar 1. Þá hyggst PFS falla frá þeirri tilhögun að greitt sé lægra mánaðargjald fyrir tengiskil umfram eitt og verður mánaðargjald fyrir hvert 1 Gb/s tengiskil 9.289 kr. og mánaðargjald fyrir hvert 10 Gb/s tengiskil verður 14.862 kr.

Hér með er óskað viðbragða hlutaðeigandi aðila við framangreindum breytingum á frumdrögunum.

Athugasemdir skulu berast með pósti eða með tölvupósti til Póst- og fjarskiptastofnunar, stílaðar á Huldu Ástþórsdóttur (hulda(hjá)pfs.is) ekki síðar en 7. mars 2014.

Sjá samráðsskjal:

Aukasamráð um tilteknar breytingar á frumdrögum að ákvörðun varðandi kostnaðargreiningu fyrir bitastraumsaðgang samkvæmt aðgangsleið 1 og 3 (PDF)

Til baka