Hoppa yfir valmynd

Síminn ekki lengur með umtalsverðan markaðsstyrk á smásölumarkaði fyrir lágmarksframboð af leigulínum

Túngumál EN
Heim

Síminn ekki lengur með umtalsverðan markaðsstyrk á smásölumarkaði fyrir lágmarksframboð af leigulínum

23. apríl 2014

Í dag birtir Póst- og fjarskiptastofnun (PFS) ákvörðun sína nr. 7/2014, markaðsgreiningu á smásölumarkaði fyrir lágmarksframboð af leigulínum (áður markaður 7).
Niðurstaða PFS er Síminn sé ekki lengur með umtalsverðan markaðsstyrk á þessum markaði eins og fyrirtækið var með skv markaðsgreiningu árið 2007, sbr. ákvörðun PFS nr. 20/2007. Þær kvaðir sem lagðar voru á Símann með þeirri ákvörðun eru því felldar niður með þessari nýju ákvörðun.

PFS telur að veigamestu aðgangshindranirnar sem áður voru ríkjandi á umræddum markaði séu ekki lengur til staðar í þeim mæli að geta talist miklar og viðvarandi. Stofnunin telur að þau fjarskiptafyrirtæki sem hafa þörf fyrir að bjóða viðskiptavinum sínum leigulínur í smásölu eigi greiðan aðgang að heildsöluþjónustu sem þjónar þörfum þeirra, sbr. kvaðir á heildsölumarkaði fyrir lúkningarhluta leigulína (markaði 6), sem nú er í samráðsferli hjá Eftirlitsstofnun EFTA (ESA). (Sjá frétt PFS frá 3. apríl sl.) Búast má við ákvörðun PFS á þeim heildsölumarkaði fyrir lúkningarhluta leigulína í byrjun maí nk. Þriðji og síðasti leigulínumarkaðurinn, heildsölumarkaður fyrir stofnlínuhluta leigulína (áður markaður 14), er svo væntanlegur í innanlandssamráð í vor og er endanlegrar ákvörðunar á þeim markaði að vænta með haustinu

PFS mun áfram fylgjast náið með þeim markaði sem ákvörðunin nú fjallar um og er stofnunin tilbúin að taka til skoðunar hvort gera þurfi aðra greiningu ef aðstæður breytast verulega

Sjá nánari upplýsingar um ákvörðun PFS nr. 7/2014


Til baka