Hoppa yfir valmynd

Verðlækkun 1. júlí nk. á notkun farsíma og netlykla í reiki innan evrópska efnahagssvæðisins

Túngumál EN
Heim

Verðlækkun 1. júlí nk. á notkun farsíma og netlykla í reiki innan evrópska efnahagssvæðisins

28. maí 2014

Þann 1. júlí nk. lækkar verð á notkun farsíma/netlykla í reiki innan Evrópu samkvæmt reglugerð ESB um verðþök á notkun farsíma og netlykla innan sambandsins. Íslenskir neytendur njóta góðs af reglugerðinni þar sem hún tekur einnig gildi hér í gegn um EES samninginn. Þannig gildir reglugerðin á evrópska efnahagssvæðinu öllu, þ.e. innan ESB og á Íslandi, í Noregi og Lichtenstein. Reglugerðin gildir ekki um símtöl og gagnanotkun utan þessara landa.

Verðþökin gilda um símtöl, skilaboð og netnotkun á evrópska efnahagssvæðinu. Skv. þeim er fjarskiptafyrirtækjum skylt að láta viðskiptavini sína á ferð í þessum löndum vita, þegar þeir hafa notað 80% af mánaðarlegum hámarkskostnaði fyrir gagnanotkun, sem er 50€. Fyrirtækið skal loka á gagnanotkun í símann/netlykilinn þegar hámarkinu er náð, nema viðskiptavinurinn biðji sérstaklega um annað.

Þegar notandi tengist fjarskiptafyrirtæki í öðru landi en sínu eigin innan evrópska efnahagssvæðisins skal viðkomandi fyriræki senda honum tilkynningu, eða svonefnd sjálfvirk skilaboð, um að hann sé að nota reikiþjónustu og grunnupplýsingar um gjöld fyrir veitingu þjónustunnar.

Með nýjum hámarksverðum sem taka gildi þann 1. júlí nk. verður langmest lækkun á verði fyrir netnotkun en hámarksverðið fer úr 0,45 €/MB  í 0,20 €/MB.

Ný hámarksverð sem taka gildi þann 1. júlí 2014 eru:

Að hringja Að svara Sent SMS Móttaka SMS
Gagnamagn
37,04 kr./mín. 9,74 kr./mín. 11,69 kr./mín. frítt
38,99 kr./MB

 

ESB setti fyrst reglugerð um verðþök á farsímtöl milli landa í Evrópusumarið 2007 þegar ljóst þótti að verðsamkeppni var ekki nægileg á þessum markaði og verð fylgdu ekki almennum lækkunum á verðum símtala í farsíma innan landanna. Reglugerðin tók gildi á Íslandi gegnum EES samninginn en talsverðan tíma tók að innleiða hana hér á landi þar að sem til þess þurfti að breyta lögum. Þessi reglugerð tók því gildi hér haustið 2008 og gilti til sumarsins 2009, en þá tók gildi ný reglugerð og var hún fljótlega innleidd hér. Sú reglugerð var í gildi þar til 30. júní 2012. Þriðja reglugerðin er nú í gildi og verður til 30. júní 2017. Með henni bættist við hámark á verði gagnamagns sem sótt er í reiki.

Þróunin í lækkun hámarksverða ESB í evrum:

  Að hringja
Að svara Sent SMS
Móttaka SMS Gagnamagn
Sumarið 2009
0,43 €/mín. 0,19 €/mín. 0,11 €/mín.  frítt  -
Sumarið 2010 0,39 €/mín. 0,15 €/mín. 0,11 €/mín.  frítt  -
Sumarið 2011 0,35 €/mín. 0,11 €/mín. 0,11 €/mín.  frítt  -
Sumarið 2012 0,29 €/mín. 0,08 €/mín. 0,09 €/mín.  frítt 0,70 €/MB
Sumarið 2013 0,24 €/mín. 0,07 €/mín. 0,08 €/mín.  frítt 0,45 €/MB
Sumarið 2014 0,19 €/mín. 0,05 €/mín. 0,06 €/mín.  frítt 0,20 €/MB

 
Verðin í evrum sem taka gildi þann 1. júlí nk. verða í gildi sem hámarksverð á reiki út gildistíma reglugerðarinnar eða til 30. júní 2017

Verðupphæðirnar eru reiknaðar yfir í íslenskar krónur samkvæmt gengi hvers árs og gilda í eitt ár. Hámarksverð er þannig fest í íslenskum krónum í eitt ár í senn. (Miðað er við meðaltal miðgengis dagana 1. mars, 1. apríl og 1. maí hvers árs).

Þróunin í lækkun hámarksverða ESB í íslenskum krónum að viðbættum virðisaukaskatti.

   Að hringja Að svara Sent SMS
Móttaka SMS
Gagnamagn
Sumarið 2011
72,52 kr./mín. 22,79 kr./mín. 22,79 kr./mín.  frítt  -
Sumarið 2012 60,90 kr./mín. 16,80 kr./mín. 18,90 kr./mín.  frítt 147,02 kr./MB
1. júlí 2013 47,63 kr./mín. 13,89 kr./mín. 15,87 kr./mín.  frítt 89,30 kr./MB
1. júlí 2014 37,04 kr./mín. 9,74 kr./mín. 11,69 kr./mín.  frítt 38,99 kr./MB

 

Sjá upplýsingar um reglurnar og verðþökin á vef ESB

Sjá einnig reglugerð ESB Nr. 531/2012 um reiki á almennum farsímanetum (PDF, á íslensku)

Almennar upplýsingar hér á vefnum um notkun farsíma og 3G/4G í útlöndum


Til baka