Hoppa yfir valmynd

Nýr viðauki um útbreiðslu- og uppbyggingakröfur tíðniheimildar 365 miðla ehf. tekur gildi

Túngumál EN
Heim

Nýr viðauki um útbreiðslu- og uppbyggingakröfur tíðniheimildar 365 miðla ehf. tekur gildi

16. mars 2016

Póst- og fjarskiptastofnun (PFS) birti þann 20. janúar sl. viðauka II við tíðniheimild A í samræmi við ákvörðun stofnunarinnar nr. 37/2015 frá 30. desember sl., þar sem komist var að þeirri niðurstöðu að forsendur væru fyrir því að gerðar yrðu breytingar á 2. gr. tíðniheimildar A á 800 MHz tíðnisviðinu sem 365 miðlar ehf. hlutu í uppboði stofnunarinnar á tíðnisviðinu í ársbyrjun 2013.

Breyting PFS á útbreiðslu- og uppbyggingarkröfum felst fyrst og fremst í rýmri tímamörkum við uppbygginu á síðustu 2,5% lögheimila og vinnustaða hvers landssvæðis, sbr. viðauka I við tíðniheimild A, sem alla jafna verður að telja dýrasta hluta uppbyggingarinnar. Samkvæmt óbreyttri tíðniheimild eiga 365 miðlar ehf. að hafa náð 99,5% útbreiðslu með 10 Mb/s gagnaflutningshraða fyrir árslok 2016, með aukningu í 30 Mb/s 31. desember 2020. Með nýjum viðauka II þurfa 365 miðlar ehf. að uppfylla kröfur um 97% útbreiðslu með 10 Mb/s gagnaflutningshraða fyrir 31. desember 2016, með aukningu upp í 30 Mb/s á öllu útbreiðslusvæði sínu í árslok 2020. Mun lokaáfangi núgildandi tíðniheimildar, að ná 99,5% útbreiðslu með 30 Mb/s gagnaflutningshraða fyrir árslok 2020, frestast um tvö ár og skal nú lokið þann 31. desember 2022.

Gildistaka viðauka II var háð því að 365 miðlar ehf. staðfestu með undirritaðri yfirlýsingu að félagið gengi að breyttum skilmálum tíðniheimildarinnar. Slík yfirlýsing barst Póst- og fjarskiptastofnun innan þess tímafrests sem gefinn var og hefur viðauki II við umrædda tíðniheimild því nú tekið gildi.

Sjá nánar í skjölunum sjálfum:

Tíðniheimild 365 miðla ehf. til notkunar fyrir farnetsþjónustu á 800 MHz tíðnisviðinu (Tíðniheimild A)

Viðauki II við tíðniheimild A, ásamt yfirlýsingu 365 miðla

Sjá einnig frétt okkar hér á vefnum frá 20. janúar sl.

 

 

Til baka