Póst og fjarskiptastofnun

Túngumál EN
Heim

Samráð við ESA um heildsölugjaldskrá fyrir lúkningu símtala í farsímanetum og föstum almennum talsímanetum

27. september 2018

Póst- og fjarskiptastofnun (PFS) hefur sent ESA, Eftirlitsstofnun EFTA, drög að ákvörðun varðandi heildsölugjaldskrár fyrir lúkningu símtala í farsímanetum og föstum almennum talsímanetum.

Samkvæmt ákvörðunardrögunum skal heildsölugjald fyrir lúkningu símtala í farsímanetum vera að hámarki 0,96 kr./mín. en 0,12 kr./mín. í fastanetum í samræmi við niðurstöðu verðsamanburðar sem PFS hefur framkvæmt. Nánari lýsingu á þeim viðmiðum sem fylgt var við verðsamanburðinn má finna í ákvörðunardrögunum hér að neðan.

Áformað er að heildsölugjöldin samkvæmt ákvörðunardrögunum taki gildi frá og með 1. janúar 2019 og gildi til og með 31. desember 2019.

Á tímabilinu 10. ágúst til 31. ágúst sl. fór fram innanlandssamráð um umræddar breytingar á gjaldskrá fyrir lúkningu símtala í farsímanetum og föstum almennum talsímanetum.

Engar athugasemdir bárust í samráðinu.

Ákvörðunardrögin eru nú send til ESA og annarra eftirlitsstofnana á EES-svæðinu til samráðs í dag með vísan til 7. gr. laga nr. 69/2003 um Póst- og fjarskiptastofnun og 7. gr. rammatilskipunar ESB nr. 2002/21/EB. Umræddir aðilar hafa einn mánuð til að setja fram athugasemdir við ákvörðunardrögin. Eftir það getur PFS formlega tekið ákvörðun nema fram komi óskir frá ESA um að PFS dragi ákvörðunardrögin til baka. Ekki er gert ráð fyrir því að innlendir hagsmunaaðilar geri athugasemdir við ákvörðunardrögin að þessu sinni.

Eftirfarandi drög að ákvörðun PFS voru send ESA:

Á íslensku:

Drög að ákvörðun - Heildsölugjaldskrá fyrir lúkningu símtala í föstum almennum talsímanetum
Drög að ákvörðun - Heildsölugjaldskrá fyrir lúkningu símtala í einstökum farsímanetum
Viðauki I - Gengistafla

Á ensku:
Draft decision - Wholesale tariff for call termination in public telephone networks provided at a fixed location
Draft decision - Wholesale tariff for call termination in individual mobile phone networks
Appendix I - Exchange rate

Til baka