Póst og fjarskiptastofnun

Túngumál EN
Heim

Stefna PFS fyrir ákveðin tíðnisvið 2019-2025 - Umræðuskjal

11. febrúar 2019

Stefna PFS fyrir ákveðin tíðnisvið 2019-2025 - Umræðuskjal

Fjarskipti í dag eru að taka miklum stakkaskiptum. Fram til þessa hefur fjarskiptaþjónusta falist í annars vegar talsímaþjónustu og internetsambandi fyrir notendur og hins vegar í alls kyns þjónustu á fastaneti til að tengja saman tölvur og tölvunet. 
Nú siglum við hins vegar hraðbyri inn í tímabil internet tengdra tækja (e. Internet of Things; IoT) eða það sem margir kalla fjórðu iðnbyltinguna. Gera má ráð fyrir gríðarlegri fjölgun slíkra tækja á næstu árum og áratugum. Sumir þessara hluta munu búa yfir mikilli getu og  jafnvel gervigreind, t.d. er sennilegt er að sjálfkeyrandi bílar muni ryðja sér til rúms á næstu árum eða áratugum. Fjarskiptanetin munu tengja þessi tæki saman og án öflugra fjarskiptaneta og -þjónustu er hætt við að innleiðing nýrrar þjónustu muni dragast eða verða með takmörkuðum hætti. Internet tengdir hlutir munu áfram aðallega verða tengdir við farnet, í dag eru það 3G og 4G net, en kringum árið 2020 munu 5G netin hefja innreið sína, hugsanlega fyrr.
Markmið þessa umræðuskjals er að fá umsögn og/eða svör við mörgum þeim spurningum sem svara þarf áður en þessi veruleiki tekur við. 

Umræðuskjal um stefnu PFS fyrir ákveðin tíðnisvið 2019_2025.pdf

Skilafrestur á svörum við þeim spurningum sem settar eru fram í umræðuskjalinu er til kl. 12.00 mánudaginn 4. mars nk. PFS stefnir að því að birta svörin við spurningunum í samráði PFS við hagsmunaaðila.

 

Til baka