Póst og fjarskiptastofnun

Túngumál EN
Heim

Samráð við ESA um heildsölugjaldskrár Mílu fyrir koparheimtaugar, bitastraum, lúkningarhluta leigulína og ljóslínur

11. mars 2019

Í dag sendi Póst- og fjarskiptastofnun (PFS) drög að ákvörðunum varðandi endurskoðun á heildsölugjaldskrám Mílu fyrir aðgang að koparheimtaugum, bitastraum, lúkningarhluta leigulína og ljóslínum í aðgangsneti, til Eftirlitsstofnunar EFTA (ESA). 

Samkvæmt ákvörðunardrögunum hyggst PFS samþykkja kostnaðargreiningar Mílu með þeim breytingum sem gerðar voru við meðferð greininganna hjá stofnuninni. 

Um er að ræða uppfærslu á kostnaðarlíkönum Mílu með gögnum úr rekstri Mílu frá árinu 2017 í samræmi við ákvarðanir PFS nr. 5/2017, 6/2017, 7/2017 og 24/2017.

PFS hefur nú yfirfarið þessar uppfærslur Mílu og kallað eftir viðbótargögnum og skýringum eftir því sem við á.  

Helstu breytingarnar í þeim drögum sem nú eru lögð fram eru að mánaðarverð fyrir aðgang að koparheimtaugum mun hækka úr 1.406 í 1.558 kr., mánaðarverð fyrir ADSL/VDSL á aðgangsleið 1 hækkar úr 691 í 725 kr. og úr 1.205 í 1.239 kr. á aðgangsleið 3. Þá hækka mánaðarverð fyrir leigulínur í aðgangsneti að meðaltali um 8% en hækkun á mánaðarverði fyrir ljóslínur í aðgangsneti eru eingöngu um 0,4%. 

Nánari upplýsingar um þessar breytingar má finna í meðfylgjandi drögum.

Á tímabilinu 21. desember til 23. janúar sl. fór fram innanlandssamráð um umræddar breytingar á gjaldskrám Mílu. Engar athugasemdir bárust í samráðinu.

Ákvörðunardrögin eru nú send til ESA og annarra eftirlitsstofnana á EES-svæðinu til samráðs í dag með vísan til 7. gr. laga nr. 69/2003 um Póst- og fjarskiptastofnun og 7. gr. rammatilskipunar ESB nr. 2002/21/EB. Umræddir aðilar hafa einn mánuð til að setja fram athugasemdir við ákvörðunardrögin. Eftir það getur PFS formlega tekið ákvörðun nema fram komi óskir frá ESA um að PFS dragi ákvörðunardrögin til baka. Ekki er gert ráð fyrir því að innlendir hagsmunaaðilar geri athugasemdir við ákvörðunardrögin að þessu sinni. 

Eftirfarandi drög að ákvörðunum PFS voru send ESA: 

 

Íslenska

Drög að ákvörðun um gjaldskrá Mílu fyrir heimtaugar

Drög að ákvörðun um gjaldskrá Mílu fyrir bitastraum
Drög að ákvörðun um gjaldskrá Mílu fyrir bitastraum - Viðauki I

Drög að ákvörðun um gjaldskrá Mílu fyrir ljóslínur í aðgangsneti 

Drög að ákvörðun um gjaldskrá Mílu fyrir lúkningarhluta leigulína
Drög að ákvörðun um gjaldskrá Mílu fyrir lúkningarhluta leigulína - Viðauki I


Enska

Draft decision on the review of Mila's wholesale tariff for copper local loops

Draft decision on the review of Mila's wholesale tariff for bitstream access
Draft decision on the review of Mila's wholesale tariff for bitstream access - Appendix I

Draft decision on the review of Mila's wholesale tariff for fibre lines in the access network 

Draft decision on the review of Mila's wholesale tariff for terminating segments of leased lines
Draft decision on the review of Mila's wholesale tariff for terminating segments of leased lines - Appendix I

 

 

Til baka