Hoppa yfir valmynd

Stefna PFS um öryggi og virkni fjarskiptainnviða

Túngumál EN
Heim

Stefna PFS um öryggi og virkni fjarskiptainnviða

31. mars 2020

Póst- og fjarskiptastofnun birtir nú stefnu stofnunarinnar um öryggi og virkni fjarskiptainnviða. 


Í stefnunni er sett fram framtíðarsýn stofnunarinnar hvað varðar öryggi og virkni fjarskiptainnviða hér á landi. Þessi framtíðarsýn byggir á almennum markmiðum er varða, í fyrsta lagi, öryggisstig og öryggisvitund á fjarskiptamarkaðinum og í öðru lagi, framkvæmd áhættumats á mikilvægum þáttum fjarskiptainnviða. Þá er einnig sett fram kynning á sértækari aðgerðum, svo sem gerð úttektarstefnu og setningu verklagsreglna, sem eftirfylgni með almennum markmiðum stofnunarinnar.


Póst- og fjarskiptastofnun vinnur nú þegar að framkvæmd áhættumats í samvinnu við stærstu fjarskiptafélög landsins líkt og stefnan kveður á um. Um er að ræða mjög umfangsmikið verkefni sem mun veita stofnuninni yfirsýn yfir stöðu, samvirkni og stærstu áhættuþætti sem steðja að fjarskiptainnviðum og geta valdið alvarlegum truflunum og rofi á fjarskiptum hjá miklum fjölda notenda og/eða á stórum landssvæðum. 
Niðurstöður matsins munu jafnframt veita stofnuninni leiðarljós í forgangsröðun við framkvæmd eftirlits hennar og gerð úttektaráætlunar á mikilvægum fjarskiptainnviðum. 

Drög að stefnunni fóru í samráð í nóvember s.l. og bárust ekki efnislegar athugasemdir frá hagsmunaaðilum varðandi þau almennu og sértæku markmið sem þar voru sett fram. Stefnan er því efnislega óbreytt frá drögunum.

Stefna PFS um öryggi og virkni fjarskiptainnviða

 

 

Til baka