Hoppa yfir valmynd
Tungumál EN
Heim

Laus störf

Fagstjóri í netöryggissveit PFS - CERT-IS

CERT-IS leitar að  fagstjóra netöryggissveitar. CERT-IS starfar sem sér skipulagseining innan Póst- og fjarskiptastofnunar. 
Netöryggissveitin hefur það hlutverk að fyrirbyggja, draga úr og bregðast við ógnum vegna netárása. Sveitin greinir atvik, takmarkar útbreiðslu og tjón af völdum netárása og er virkur þátttakandi í umræðu um netöryggismál og fyrirbyggjandi aðgerðum.

Fagstjóra býðst gott tækifæri til þátttöku í að móta og styrkja stöðu CERT-IS til komandi ára. Einnig býðst frábært tækifæri til náinnar þátttöku í sívaxandi og öflugu samstarfi erlendra teyma.

Við bjóðum gott tækifæri til starfsþróunar í krefjandi og kviku umhverfi upplýsingatækni- og netöryggismála. 

Helstu verkefni og ábyrgð

Vinna náið með sviðstjóra sveitarinnar við stefnumótun
Ábyrgð á stefnumótun og skipulagi á tæknilegum upplýsingakerfum CERT-IS
Leiða mótun verklags og vinnuferla CERT-IS
Leiða eftirvinnslu atvikameðhöndlunar og úrvinnslu og miðlun upplýsinga um öryggisáhættu
Taka þátt í að leiða sviðshópa og samráðsvettvang þeirra
Umsjón með viðbúnaðarferlum og æfingum þeim tengdum fyrir þjónustuhópa
Náin þátttaka í samstarfi alþjóðlegra CERT og CSIRT sveita
Ráðgjöf og upplýsingar varðandi upplýsingaöryggi til þjónustuhópa

Hæfniskröfur

Háskólapróf í verk- eða tölvunarfræði 
Minnst 5 ára starfsreynsla við hönnun og högun netkerfa, hugbúnaðargerðar og/eða öryggisgreininga
Djúp þekking á helstu samskiptastöðlum í upplýsingatækni
Hæfileiki til að geta unnið sjálfstætt sem og í hópi
Hæfni í mannlegum samskiptum og góð leiðtogahæfni
Mikil greiningarhæfni, öguð og skipulögð vinnubrögð
Góð íslensku og enskukunnátta, bæði töluð og í rituðu máli.
Reynsla af viðbragðs- og aðgerðarstjórnun
Þekking á fjarskiptalögum og NIS löggjöfinni æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Krafist verður sakavottorðs. 

Starfshlutfall er 100%

Umsóknarfrestur er til og með 8. júní 2021. Sótt er um starfið á Starfatorgi.

CERT-IS lítur svo á að umsókn gildi í 6 mánuði frá dagsetningu hennar, nema umsækjandi ákveði umsókninni skemmri gildistíma. CERT-IS hvetur alla sem uppfylla hæfniskröfur, óháð kyni, til að sækja um starfið.

Nánari upplýsingar veitir Guðmundur Arnar Sigmundsson - gudmundur(hjá)cert.is - 5101500

* * * * * * * * * * * * * * * * * * * * * * * * * * * * * * * * * * * * * * * * * * * * * * ** * * * * * * * * * * * * * * * * * * * *

Sérfræðingur í tæknideild PFS – skoðanir fjarskiptabúnaðar

Póst- og Fjarskiptastofnun (PFS) óskar eftir að ráða í stöðu sérfræðings í tæknideild við skoðanir fjarskiptabúnaðar í skipum. 
Sérfræðingurinn verður hluti af teymi starfsmanna sem vinnur náið saman að skipulagi tíðnimála, úthlutun tíðna og númera, eftirliti með ljósvakanum o.fl. 

Við bjóðum gott tækfæri til starfsþróunar í krefjandi og kviku umhverfi fjarskipta.  

Helstu verkefni og ábyrgð

Skoðanir á fjarskiptaöryggisbúnaði skipa stærri en 24 metrar. • Eftirlit með skoðunum á fjarskiptaöryggisbúnaði skipa minni en 24 metrar. • Þátttaka í verkefnum er snúa að eftirliti með ljósvakanum, truflanaleit og mælingum fjarskiptaneta.

Hæfniskröfur

Rafeindavirkjun
Hæfileiki til að geta unnið sjálfstætt sem og í hópi
Hæfni í mannlegum samskiptum
Góð íslensku og enskukunnátta, bæði töluð og í rituðu máli.
Þekking á fjarskiptum æskileg
Hafi ökuréttindi

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Krafist er sakavottorðs. 

Umsóknarfrestur er til og með 31. maí nk.  Umsókn um starfið á Starfatorgi.

PFS lítur svo á að umsókn gildi í 6 mánuði frá dagsetningu hennar, nema umsækjandi ákveði umsókninni skemmri gildistíma.
PFS hvetur alla sem uppfylla hæfniskröfur, óháð kyni, til að sækja um störf hjá stofnuninni.

Nánari upplýsingar veitir Þorleifur Jónasson - thorleifur(hjá)pfs.is

Fannst þér efnið á síðunni hjálplegt?Nei
Takk fyrir

Ábending þín er móttekin

Af hverju ekki?