Póst og fjarskiptastofnun

Túngumál EN
Heim

GSM/3G/4G endurvarpar

Allir GSM/3G/4G endurvarpar þurfa að bera CE-merkingu í samræmi við 65. gr. fjarskiptalaga nr. 81/2003 svo unnt sé að flytja þá inn til landsins og markaðssetja hér á landi.

Samkvæmt lögum og reglum sem gilda um þráðlausan sendibúnað til fjarskipta, þ.m.t. GSM/3G/4G endurvarpa, þarf leyfi Póst- og fjarskiptastofnunar til að setja upp eða nota slíkan búnað.
(Sjá 62. gr. laga um fjarskipti nr. 81/2003)

Þar sem tíðnum fyrir GSM/3G/4G hefur verið úthlutað á 800 MHz, 900 MHz, 1800 MHz og 2100 MHz til farsímafyrirtækja er að mati PFS ekki heimilt að selja sendibúnað sem notar þær tíðnir, án þess að samþykki tíðnirétthafa liggi fyrir. þ.e. Símans, Vodafone, Nova, IMC og/eða 365 miðla.

Ef leyfi fæst frá einum aðila er eingöngu heimilt að endurvarpa tíðnum sem sá aðili hefur fengið úthlutað.

Ekki er heimilt að selja breiðbandsbúnað sem endurvarpar öllum tíðnunum ef eingöngu liggur fyrir leyfi frá einum aðila.

Nánari upplýsingar um endurvarpa er hægt að fá hjá Póst- og fjarskiptastofnun og/eða fjarskiptafyrirtækjunum.

 

 

Fannst þér efnið á síðunni hjálplegt?Nei
Takk fyrir

Ábending þín er móttekin

Afhverju ekki?