Póst og fjarskiptastofnun

Túngumál EN
Heim

Tíðniheimild Símans fyrir NMT 450 tíðnisviðið framlengd til ársloka 2009

16. janúar 2009

Póst- og fjarskiptastofnun hefur framlengt tíðniheimild Símans hf. til notkunar á tíðnum fyrir NMT 450 langdræga farsímaþjónustu sem þjóni landinu öllu og miðunum.

Þann 18. desember 2008 birti Póst- og fjarskiptastofnun (PFS) umræðuskjal um NMT – 450 tíðnisviðsins á Íslandi. Tíðnisviðinu hafði verið úthlutað til Nordisk Mobil Ísland en leyfið hefur nú verið afturkallað þar sem ekki var staðið við þau skilyrði sem sett voru í leyfinu.  Frestur til að skila athugasemdum var til 9. janúar sl.

Eftirtaldir aðilar sendu inn umsögn um umræðuskjalið:
Hringiðan ehf, IceCell ehf, Nova ehf, Og fjarskipti ehf, Síminn hf. Þá barst einnig viljayfirlýsing frá einum aðila sem hefur áhuga á að byggja upp stafrænt háhraða farsímanet á tíðnisviðinu. Síminn hf. hafði þá einnig sent inn umsókn um framlengingu núverandi tíðniheimildar til 31. desember 2010.

Það er niðurstaða PFS að framlengja NMT – 450 MHz leyfið til Símans til 31. desember 2009 með hugsanlegri framlengingu eftir það. Í ljósi þeirrar óvissu um skerðingu á útbreiðslu langdrægrar farsímaþjónustu á stórum svæðum á hálendinu og á miðunum er það mat PFS að Síminn og aðrir hagsmunaaðilar verði að leggja fram ítarlegri gögn um þéttleika útbreiðslu 3G og GSM. Á grundvelli slíkra gagna mun PFS taka ákvörðun um það hvort þörf sé á frekari framlengingu NMT tíðniheimildar Símans. Þurfa slík gögn að liggja fyrir eigi síðar en 30. september 2009.

Framlenging tíðniheimildar Símans til notkunar á á tíðnum fyrir NMT 450 langdræga farsímaþjónustu (PDF)

Sjá einnig samantekt umsagna vegna NMT 450 tíðnisviðsins (PDF)

 

 

 

Til baka