Póst og fjarskiptastofnun

Túngumál EN
Heim

Samráð um skilmála viðmiðunartilboðs Mílu um aðgang að leigulínum í heildsölu

16. ágúst 2016

Póst- og fjarskiptastofnun (PFS) hefur borist uppfært viðmiðunartilboð Mílu fyrir leigulínur í heildsölu, bæði fyrir lúkningarhluta og stofnlínuhluta. Með ákvörðunum PFS nr. 8/2014 og 21/2015 um útnefningu fyrirtækis með umtalsverðan markaðsstyrk og álagningu kvaða á heildsölumörkuðum leigulína í lúkningarhluta (8/2014) og stofnlínuhluta (21/2015) var Mílu gert að uppfæra viðmiðunartilboð sitt á þessu sviði. Í því máli sem hér er til umfjöllunar eru skilmálar viðmiðunartilboðsins til meðferðar, aðrir en þeir er snúa að verðum.

Verð stofnlínuhluta leigulína hafa verið til umfjöllunar í nokkrum fyrri málum, með samráði og ákvörðunum þeim tengdum. Samráði er lokið um verð lúkningarhluta leigulína en það stóð yfir frá 25. maí sl. til 15. júní sl. Ákvörðunar er að vænta á því máli innan skamms.

Á þessu stigi hefur PFS ekki lagt mat á viðmiðunartilboðið, né leggur til breytingar á því. Stofnunin áskilur sér þó rétt til þess að gera breytingatillögur síðar við meðferð málsins. Komi til þess verður haft sérstakt samráð um breytingartillögur PFS.

Til samanburðar má sjá gildandi viðmiðunartilboð um aðgang að leigulínum á vef Mílu:  https://www.mila.is/vorur/samningar/

Hér með er fjarskiptafyrirtækjum og öðrum hagsmunaaðilum gefinn kostur á að gera athugasemdir við skilmála umrædds viðmiðunartilboðs, sbr. 6. gr. laga nr. 69/2003 um Póst- og fjarskiptastofnun. Allar athugasemdir skulu gerðar með greinanlegum hætti þar sem vísað skal í þá liði viðmiðunartilboðsins, eða viðauka þess, sem um ræðir. Þegar PFS hefur metið framkomnar athugasemdir og gert þær breytingar sem stofnunin telur nauðsynlegar mun stofnunin senda drög að ákvörðun til Eftirlitsstofnunar EFTA (ESA) til samráðs áður en endanleg ákvörðun verður tekin. 

Frestur til að skila inn umsögnum og athugasemdum er til og með 15. september nk.

Nánari upplýsingar veitir Guðmann Bragi Birgisson (netfang: gudmann(hjá)pfs.is). PFS mun birta opinberlega allar athugasemdir sem berast, nema sérstaklega verði óskað trúnaðar og mun þá stofnunin leggja mat á slíka beiðni. 

Sjá samráðsskjölin:

Viðmiðunartilboð leigulína grunnsamningur.pdf

Til baka