Hoppa yfir valmynd

Samráð um skilmála viðmiðunartilboðs um aðgang að leigulínum

Túngumál EN
Heim

Samráð um skilmála viðmiðunartilboðs um aðgang að leigulínum

23. nóvember 2016

Þann 16. ágúst sl. efndi Póst- og fjarskiptastofnun (PFS) til samráðs um skilmála viðmiðunartilboðs Mílu um aðgang að leigulínum í heildsölu. Engar athugasemdir bárust frá markaðsaðilum. Að samráðinu loknu ákvað PFS að gera tillögur að fjórum nánar tilteknum breytingum á umræddu viðmiðunartilboði. Var Mílu gefinn kostur á að tjá sig um umræddar breytingartillögur og nú efnir PFS hér með til samráðs um ákvörðunardrög sín í tengslum við framangreint viðmiðunartilboð Mílu.

Hér með er fjarskiptafyrirtækjum og öðrum hagsmunaaðilum gefinn kostur á að gera athugasemdir við meðfylgjandi ákvörðunardrög PFS, sbr. 6. gr. laga nr. 69/2003 um Póst- og fjarskiptastofnun. Ef athugasemdir berast mun PFS meta þær og gera þær breytingar sem nauðsynlegar teljast áður en stofnunin sendir drög að ákvörðuninni til Eftirlitsstofnunar EFTA (ESA) til samráðs áður en endanleg ákvörðun verður tekin.

Umsagnir og athugasemdir skulu sendar Óskari Hafliða Ragnarssyni á netfangið oskarh(hjá)pfs.is.

Frestur til að skila inn athugasemdum er til og með 7. desember nk.

Sjá samráðsskjölin:

Drög að ákvörðun PFS nr. xx/2017 - Viðmiðunartilboð Mílu fyrir bitastraumsaðgang í heildsölu

Viðauki við ákvörðun PFS nr. xx/2017 - Fyrirmæli um breytingar

 

 

Til baka