Túngumál EN
Heim

PFS auglýsir uppboð á tíðniheimildum fyrir háhraða farnetsþjónustu á 700, 800, 2100 og 2600 MHz tíðnisviðum.

12. apríl 2017

Póst- og fjarskiptastofnun auglýsir nú uppboð á tíðniheimildum á fjórum tíðnisviðum, 700 MHz, 800 MHz, 2100 MHz og 2600 MHz.  Um er að ræða alls tólf tíðniheimildir sem ætlaðar eru fyrir háhraða farnetsþjónustu.

PFS tilkynnti þann 11. október 2016 að uppboð á tíðniheimildum fyrir háhraða farnetsþjónustu væri fyrirhugað og birti drög að uppboðsskilmálum til umsagnar. Eftir að samráði um drög að skilmálum lauk uppfærði PFS skilmála með tilliti til framkominna athugasemda. Auk þess var í uppfærðum drögum gert ráð fyrir að boðnar yrðu upp tíðnir á 800 MHz tíðnisviðinu sem fyrri rétthafi skilaði til PFS í febrúar 2017. PFS efndi til samráðs um uppfærða skilmála þann 23. mars 2017. Niðurstöður úr því samráði liggja nú fyrir og skilmálar hafa verið uppfærðir í samræmi við niðurstöður PFS.

Þær tíðniheimildir sem boðnar verða upp eru eftirfarandi:

Númer

Stærð

Tíðnisvið

Gildistími

Lágmarksboð

A 700

2x10 MHz

713-723 / 768-778 MHz

15 ár

35 milljónir kr.

B 700

2x10 MHz

723-733 / 778-788 MHz

15 ár

35 milljónir kr.

C2 800

2x5 MHz

791-796/832-837 MHz

15 ár

17,5 milljónir

D2 800

2x5 MHz

796-801/837-842 MHz

15 ár

17,5 milljónir

E 2100

2x5 MHz

1935 - 1940/ 2125 - 2130 MHz

5 ár

5,5 milljónir kr.

F 2100

2x5 MHz

1970 - 1975/ 2160 - 2165 MHz

5 ár

5,5 milljónir kr.

G 2100

2x5 MHz

1975 - 1980/ 2165 - 2170 MHz

5 ár

5,5 milljónir kr.

H 2600

2x20 MHz

2500 - 2520 / 2620 - 2640 MHz

15 ár

10 milljónir kr.

I2600

2x20 MHz

2520 - 2540 / 2640 - 2660 MHz

15 ár

10 milljónir kr.

J 2600

2x10 MHz

2540 - 2550 / 2660 - 2670 MHz

15 ár

5 milljónir kr.

K2600

2x10 MHz

2550 - 2560 /2670 - 2680 MHz

15 ár

5 milljónir kr.

L2600

2x10 MHz

2560 - 2570 / 2680 - 2690 MHz

15 ár

5 milljónir kr.

Umrædd tíðnisvið skal nýta fyrir háhraða farnetsþjónustur, en eru að öðru leyti tæknilega hlutlaus. Tíðniheimildir á 700 MHz og 800 MHz tíðnisviðinu verða bundnar ákveðnum skilyrðum um uppbyggingu og útbreiðslu þjónustu.

Þeir aðilar sem hyggjast taka þátt í uppboðinu skulu skila inn útfylltu þátttökublaði, kvittun fyrir greiðslu þátttökugjalds og öðrum skráningargögnum samkvæmt skilmálum uppboðsins, til Póst- og fjarskiptastofnunar, Suðurlandsbraut 4, 108 Reykjavík, fyrir kl. 14:00 þriðjudaginn 2. maí 2017

Lágmarks þátttökugjald sem greiða þarf áður en sótt er um þátttöku er kr. 2.000.000,-, en komið getur til greiðslu frekara þátttökugjalds sem ræðst af fjölda þátttakenda, sbr. skilmála uppboðs.

PFS mun tilkynna aðilum sem óska þátttöku ákvörðun sína um hvort viðkomandi verði heimilt að taka þátt í uppboðinu 8. maí 2017.

Mun tíðniuppboðið fara fram rafrænt og hefst það á rafrænu uppboðssvæði PFS mánudaginn 22. maí nk. kl. 10:00.

Skjöl vegna uppboðsins:

Skilmálar tíðniuppboðs (pdf)
Viðauki 1 – Skráningareyðublað (odt)  - Skráningareyðublað (doc)
Viðauki 2 – Skýrsla Mannvits um greiningu sendastaða utan byggða (pdf)
Viðauki 3 - Leiðbeiningar BEREC um innleiðingu á reglum um nethlutleysi (pdf)
Viðauki 4 - Reglugerð nr. 2015/2120/EB um ráðstafanir varðandi opinn Netaðgang (pdf)

Frétt um samráð 23. mars 2017 ásamt niðurstöðum úr fyrra samráði 11. október 2016
 
Niðurstöður úr seinna samráði 23. mars 2017:
Niðurstöður PFS (pdf)
Umsögn Nova (pdf)
Umsögn Símans (pdf)
Umsögn Vodafone (pdf)

Til baka