Uppboði PFS á tíðniheimildum fyrir háhraða farnet lokið

Uppboði Póst- og fjarskiptastofnunar á tíðniheimildum á 700, 800, 2100 og 2600 MHz tíðniviðunum fyrir háhraða farnet, lauk í gær kl. 14:00, þegar fjórar uppboðsumferðir höfðu liðið án þess að ný boð kæmu fram.

Fjögur fyrirtæki tóku þátt í uppboðinu, þ.e. Fjarskipti hf. (Vodafone), Nova hf., Síminn hf. og Yellow Mobile BV. Boð komu fram í allar tíðniheimildirnar sem boðnar voru upp.

PFS mun nú fara yfir framkvæmd uppboðsins í samræmi við skilmála þess. Að jafnaði skal sá aðili sem hæsta boð átti í tíðniheimild fá henni úthlutað, leiði yfirferð stofnunarinnar á framkvæmd uppboðsins eða önnur málefnaleg sjónarmið ekki til annarrar niðurstöðu. Stofnunin stefnir að því að ljúka útgáfu heimilda innan þriggja vikna.

Heildarfjárhæð boða í allar tíðniheimildir var 159.800.000 ISK,- kr. Þessir fjármunir renna til fjarskiptasjóðs, að frádregnum afslætti af verði tíðniheimilda á 700 og 800 MHz. Samkvæmt skilmálum uppboðs er veittur afsláttur af verði þessara heimilda í samhengi við kröfur um útbreiðslu háhraða farneta til 99% byggðra svæða og uppbyggingu allt að 14 nýrra sendistaða utan byggða.

Niðurstöðu uppboðsins má sjá í eftirfarandi töflu:

Frekari upplýsingar um uppboðið má nálgast hér:

Upplýsingar vegna tíðniuppboðs 22. maí 2017