Hoppa yfir valmynd

Netöryggissveitin CERT-IS varar við svikaherferðum í tengslum við stóra netverslunardaga

Tungumál EN
Heim

Netöryggissveitin CERT-IS varar við svikaherferðum í tengslum við stóra netverslunardaga

26. nóvember 2020

Á vef Netöryggissveitarinnar kemur m.a. fram:

"Síðustu daga hefur Netöryggissveitin séð aukningu í svikaherferðum í nafni flutningafyrirtækja. Aukninguna má rekja til stórtilboðsdagsins "Dagur Einhleypra" þann 11. nóvember þar sem verslanir kepptust við að hafa tilboð á vefverslunum sínum og bjóða upp á heimsendingarþjónustu.

Svikarar nýta sér oft viðburði sem þennan til að hrinda af stað svikaherferðum og má búast við fleiri herferðum nú þegar "Svartur Föstudagur" og "Netmánudagur" eru í vændum.

Svikaherferðirnar virka þannig að sett er upp fölsk vefsíða þar sem notandi er minntur á að greiða sendingarkostnað vegna nýlegra vörukaupa.
Síður sem þessar verða sífellt trúverðugri og getur reynst erfitt að greina svikasíður frá raunverulegum greiðslusíðum.

Áður en kreditkortanúmer er gefið upp er því gott að staldra við og hugsa hvort það sé eitthvað sérkennilegt við greiðslusíðuna eða tilkynninguna."

Sjá fréttina í heild sinni á vef CERT-IS.

 

Til baka