Póst og fjarskiptastofnun

Túngumál EN
Heim

Allir umsækjendur samþykktir til þátttöku í uppboði PFS á 4G tíðniheimildum

24. janúar 2013

Þann 11. febrúar nk. hefst rafrænt uppboð Póst- og fjarskiptastofnunar á tíðniheimildum fyrir háhraða farnetsþjónustu, 4G. Uppboðið var auglýst í desember sl. og var gefinn frestur til 11. janúar sl. til að skila inn þátttökubeiðnum og nauðsynlegum gögnum.  Fjórir aðilar sendu inn þátttökubeiðni, þ.e. 365 Miðlar ehf., Fjarskipti ehf. (Vodafone), Nova ehf. og Síminn hf.

Stofnunin hefur nú farið yfir innsendar umsóknir og komist að þeirri niðurstöðu að þær uppfylli allar þau skilyrði sem sett eru fram í skilmálum uppboðsins. Á grundvelli þess staðfestir PFS að 365 Miðlar ehf., Fjarskipti ehf. (Vodafone), Nova ehf. og Síminn hf. hafa fengið heimild til að taka þátt í rafrænu uppboði á tíðniheimildum á 800 MHz og 1800 MHz tíðnisviðinu sem hefst mánudaginn 11. febrúar kl. 9.00.

Sjá auglýsingu um uppboðið frá 17. desember sl. hér á vefnum

 

Til baka