Hoppa yfir valmynd

Samráð um viðmiðunartilboð Mílu fyrir bitastraumsaðgang í heildsölu

Túngumál EN
Heim

Samráð um viðmiðunartilboð Mílu fyrir bitastraumsaðgang í heildsölu

9. júní 2016

Póst- og fjarskiptastofnun (PFS) hefur borist uppfært viðmiðunartilboð Mílu fyrir bitastraumsaðgang í heildsölu. Með ákvörðun PFS nr. 21/2014 um útnefningu fyrirtækis með umtalsverðan markaðsstyrk og álagningu kvaða á heildsölumörkuðum heimtauga og bitastraums var Mílu gert að uppfæra viðmiðunartilboð sitt á þessu sviði. Í því máli sem hér er til umfjöllunar eru skilmálar viðmiðunartilboðsins til meðferðar, aðrir en þeir er snúa að verðum. Um verðin verður fjallað í öðru máli sem nú er til meðferðar hjá PFS, þ.e. kostnaðargreining á bitastraumsþjónustu Mílu. Verðskrárhluti viðmiðunartilboðs fyrir bitastraumsaðgang verður birtur til samráðs með samráði um kostnaðargreininguna, sem fyrirhugað er í haust.

Á þessu stigi hefur PFS ekki lagt mat á viðmiðunartilboðið, né leggur til breytingar á því. Stofnunin áskilur sér þó rétt til þess að gera breytingatillögur síðar við meðferð málsins. Komi til þess verður haft sérstakt samráð um breytingartillögur PFS.

Til samanburðar má sjá gildandi viðmiðunartilboð um aðgang að bitastraum á vef Mílu:  https://www.mila.is/vorur/samningar/

Hér með er fjarskiptafyrirtækjum og öðrum hagsmunaaðilum gefinn kostur á að gera athugasemdir við skilmála umrædds viðmiðunartilboðs, sbr. 6. gr. laga nr. 69/2003 um Póst- og fjarskiptastofnun. Allar athugasemdir skulu gerðar með greinanlegum hætti þar sem vísað skal í þá liði viðmiðunartilboðsins, eða viðauka þess, sem um ræðir. Þegar PFS hefur metið framkomnar athugasemdir og gert þær breytingar sem stofnunin telur nauðsynlegar mun stofnunin senda drög að ákvörðun til Eftirlitsstofnunar EFTA (ESA) til samráðs áður en endanleg ákvörðun verður tekin.

Frestur til að skila inn umsögnum og athugasemdum er til og með 15. ágúst nk.

Nánari upplýsingar veitir Guðmann Bragi Birgisson (netfang: gudmann(hjá)pfs.is). PFS mun birta opinberlega allar athugasemdir sem berast, nema sérstaklega verði óskað trúnaðar og mun þá stofnunin leggja mat á slíka beiðni.

Sjá samráðsskjölin:

Viðmiðunartilboð um breiðbandsaðgang í heildsölu.pdf

 

 

 

Til baka